Det er høgare risiko for å utvikle schizofreni dersom ein er innvandrar. Dette er uavhengig av etnisk bakgrunn eller kva land ein har migrert frå. Sosialt stress synest å virke inn på hjernefunksjon og dermed eventuell psykoseutvikling. Dette skriv psykolog Akish Ottesen Berg og psykologspesialist Anja Vaskinn i ein kronikk i Dagbladet.

Også barn av innvandrarar har større sjanse for å utvikle ein psykose. Aktuelle hypoteser om kvifor dette er slik, er at alle innvandarar deler viktige opplevingar, td å tilpasse seg ein ny kultur. Ein skal erfare korleis det kjennest å vere annleis enn menneska rundt seg. Innvandrargrupper har også større erfaring med svak sosioøkonomisk status og institusjonell diskriminering enn andre grupper i samfunnet.

Mange innvandrargrupper lever nedst på rangstigen i kortare eller lengre periodar i det som vert kalla dei  lågare sosioøkonomiske grupper. Arbeidsløyse og ein ustabil boligsituasjon er sosiale vanskar som opplevest som svært stressande. For nokre utsette mennesker kan dette føre til tap av grepet om røyndomen - dei blir psykotiske. 

Kjelde: Dagbladet, 27.10.2009