-Folk lever sine liv i kommunane. I statsbudsjettet vert det lagt vekt på oppbygging av psykologkompetanse som ei stor satsing i samhandlingsreforma. Sjukdom skal som kjent førebyggast framfor å behandlast. Å sette inn støtet tidleg gir samfunnsøkonomisk gevinst. Når kommunaneno får tilført 20 millionar kroner til psykologstillingar er det på høg tid og ei god investering.

Framleis er det relativt enkelt å få resept på beroligande piller, men nesten umogleg å få time hos psykologen. Dei mest bemidla i urbane strøk med gode bekjentskapar, får derimot time på dagen hos privatpraktiserande psykologar. Geografi og sosiokulturelle faktorar spelar alt for ofte inn. Det er ei systematisk diskriminering i tilbodet der utdanning, økonomi, klasse og bustad er avgjerande.

Det handlar mest om tilgjengelegheit enn haldningar. Ei undersøking viser at folk har stor tillit til psykologar. 25 prosent meiner desse har størst menneskekunnskap - meir enn legar og langt meir enn prestar og alternativbehandlarar. Folk foretrekker samtaleterapi framfor englar og varme hender. Tida er overmoden for å få psykologane ut til folket. Helseministeren og finsansministeren har felles interesser.

Kjelde: Dagbladet, leiar 27.10.2009