Dette spørsmålet er ikkje minst viktig der ein søkjer fakta og informasjon om sjukdomar og helse. Det har etter kvart kome retningslinjer om kva ei god og seriøs helse-nettside skal innehalde, retningslinjer som truleg etter kvart vil utvikle seg til internasjonale standardar. Vi vil her presentere ei slik "prinsippliste", denne er laga av Health On the Net Foundation.

1. Kjeldeautoritet

All medisinsk helseinformasjon som vert presentert er er gitt av personar med kvalifisert medisinsk utdanning, unntatt der det tydeleg går fram noko anna.

2. Komplementaritet

Informasjonen er meint å støtte og supplere, ikkje erstatte, forholdet mellom pasient og lege.

3. Personvern

På den aktuelle internett-serveren vert taushetsplikt og personvern for brukar/pasient respektert.

4. Referansar

Der det er mogeleg vil informasjonen vere støtta av tydelege referansar til kjeldedata, dato for endringar og oppdateringar vil og tydeleg framgå.

5. Etterretteleghet

Der det er utsagn som vedrører fordelar eller eigenskapar av ei spesifikk behandling eller metode, eit kommersielt produkt eller teneste vil desse vere dokumenterte av relevante referansar på same måte som ved punkt 4.

6. Tydeleg forfattarskap

Sida sin(e) designar(ar) vil tilby informasjonen så klart og tydeleg som mogeleg. Webmaster vil angje si e-postadresse på alle sidene på internett-området.

7. Tydeleghet i sponsorforhold

Det vil gå tydeleg fram identiteten både til dei kommersielle og ikkje-kommersielle aktørar som har bidratt økonomisk, med tenester eller materiell til internettsida.

8. Ærleghet i reklame og redaksjonell politikk

Om reklame er ei kjelde til finansiering av sida vil dette klart framgå, der vil også vere ei kort skildring av eigaren sin reklamepolitikk. All reklame og alt promoteringsmateriell vil presenterast på ein måte som gjer at det skil seg klart frå det faglege på sida.